Sad

Mujhe roz'o'shab ki kiatb me
Koi aisa harf na mil saka

Jisy misl'e'gul ka khitab don
Jisy chandni ki c taab don

Jisy dhond ker jisy khoj ker
Rukh'e'asman pe saja bhi don

Mery khoon'e'dil ki nigarshen
Mri rooh tak k fishaar bhi

Yahan ilm'o'fun ki dukan per
Bary sasty damo sy bik gaye

Mujhe tor ker,Muje phorr ker
Mery dosto ne jala dia

Raah'e'zindagi k ghubar me
Meri raakh tak ko ura dia

Mujhe phir bhi koi gila nhi
Jo mila nhi SO MILA NHI....!!!

Baaton baton mein bicharnay ka ishara ker k
Khud bhi roya woh bohut hum say kinara ker k

Sochta rehta hon tanhai mein Anjam-e-Khuloos
Phir usi jurm-e-mohabbat ko dobarah ker k

Jagmaga di hain teray shehar ki galiyan mein nay
Apnay her ashk ko palkon pay sitara ker kay

Daikh laitay hain chalo hosla apnay dil ka
Aur kuch rooz teray sath guzara ker k

Aik hi shehar mein rehna magar milna nahin
Daikhtay hain yeh aziat gawara ker k

Na aansu aaNkh meN hai aur na dil meN beqaraari hai
Magar woh dard jo tum ne diya tha ab bhi jaari hai

Dikhane ke liye yuuN to tabassum lub pe hai lekin
Ik aalam karb ka ab tak hamare dil pe taari hai

Yeh bateN ishq waloN ki haiN inko tum na samjho ge
Woh hai phooloN ki baarish jo bazaahir sangbaari hai

Shab-e Gham kya hai, kya hai hijr bus itna samjh lo tum
Ke saari zindagee ki subHoN per ik shaam bhaari hai

Hamara pyaar ik sachchai hai aur ik Haqeeqat bhee
Tumhara pyaar bus ik rasm hai ik duniya dari hai

Saraaye hai yahaN har aane wala lauT jayega
Kisee ki "Arzoo" kal thee kisee ki aaj baari hai

Meri hasti ka har ik zarra bikhar jaaye ga
"Waqt ka kya hai guzarta hai guzar jaaye ga"

Dard uTThe ga TERE dil se gHaTaa ki maanind
Aur palkoN pe MERI ashk wo dhar jaaye ga

Khwaab ki tarha jo rehta hai meri aankhoN mein
Dard ki tarha mere dil mein utar jaaye ga

Aabla-paa bhi hun sadiyoN se, be-nishaan bhi hun
Na-jaane kaise magar shoq-e-safar jaye ga

Kisay khabar hai k ehsaas tairi chaahat ka
Jo meri zaat mein zinda hai wo mar jaaye ga

Kisi ka ishq kisi ka khayal thai ham bhi
gaye dino mai bohot ba-kamal thai ham bhi

hamari khauj mai rehti thee'n titliya'n aksar
k apnay sheher ka husn o jamal thai ham bhi

zamee'n ki gaud mai sar rakh k so gaye aakhir
tumharay ishq mai kitnay nidhal thai ham bhi

zaroorato'n ne hamara zameer chaat liya
wagar na qaail e rizq o halal thai ham bhi

ham aks aks bikhartay rahay isi dhunn mai
k zindagi mai kabhi la-zawal thai ham bhi

Na mehsoos ho gi kami zindagi mein
Tumhaari mohabbat agar saath ho gi

To kar lein ge taskheer sara zamaana
Tumhaari mohabbat agar saath ho gi

Palat kar na dekhein ge dunia ko phir ham
Tumhaari mohabbat agar saath ho gi

ghamoN meN khushii ki barsaat hogii
tumhaari muhabbat agar saath hogii

JahaaN bhar ki daulat mere haath ho gi
Tumhaari mohabbat agar saath ho gi

bhalaa kis ki mujh jaise auqaat ho gi
tumhaari moHabbat agar saath ho gi

kabhi b nah tanha meri zaat hogi
tumhari mohabbat agar sath hogi

Dashte tanhai main bi ik umeed aass ho gee
TUmharai mohobat ager meray sath ho gee

Khushi do jahaN ki mere haath hogi
Tumhari mohabbat agar saath hogi

Dukh Dard Kay Maroon Say Mera Zikar Na Karna
Ghar Jaon To Yaroon Say Mera Zikar Na Karna.


Woh Zabt Na Kar Paen Gay Ankho Kay Samander
Tum Rah Guzaroon Say Mera Zikar Na Karna.


Pholon Kay Nashaiman Main Raha Hoon Main Sada Say
Daikho Kabhi Kharon Say Mera Zikar Na Karna.


Shayad Yey Andhaira Hi Mujhay Rah Dikhaye
Tum Chand Sitaroon Say Mera Zikar Na Karna.


Gehrahi May Layjain Gay Tum Ko Bhi Baha Ker
Darya Kay Kinaroon Say Mera Zikar Na Karna.

Woh Shaks Melay To Usay Her Bat Batana
Tum Sirf Isharoon Say Mera Zikar Na Karna.

Waqt Nay Wo Khaak Uraii Hay Dil Kay Dasht Say
Qaaflay Guzartay Hain Phir Bhi Naqsh Pa Koii Nahi

Khud Ko Yon Mehsoor Kar Betha Hoon Apni Zaat Main
Manzelain Charon Taraf Hain Raasta Koii Nahi

Jab Tasawwer Main Jam Aatay Hain
Aafatabi Maqaam Aatay Hain

Yoon Chatakhtay Hain Shaakh Pay Gunchay
Jesay Un Kay Salam Aatay Hain

Dil Ki Nadaniyon Pay Ghoor Na Kar
Khotay Sekkay Bhi Kaam Aatay Hain

Chand Lamhaat No Jawani Main
Wajib ul Ahtaraam Aatay Hain

Manzil -e- Ishq Main Khurd Walay
Sirf Do Chaar Gaam Aatay Hain

Dastan -e- Hayaat Main Sagher
Be Wafaon Kay Naam Aatay Hain