Sad

Juda Tum Se Huey Hain To Kisi Se Hum Nhi Milty
Koi hum Se Mily Bhi To Khushi Se Hum Nhi Milty

Agr Pathar Ho Tum, To Aao Betho Hum B Pathar Hain
Agr Ho Aadmi, To Aadmi Se Hum Nhi Milty

Hum Apni Zaat Mein Sehra Hain Sehraon Se Yaari Hy
Kisi Darya Samandar Ya Nadi Se Hum Nhi Milty

Hmein Murda Dili Tohfay Mein Tum Ne Hi To Bheji Thi
Gila Mat Kr Jo Ab Zinda Dili Se Hum Nhi Milty

Hmari Zindgi Hy wo Agr Uss Ki Khushi hy To
Chalo kuch Roz Apni Zindgi Se Hum Nhi Milty

Faqeeron Ko Faqeeron Ki Rafaqat Raas Aati hy
Sakhi Aaen To Keh Dena Sakhi Se Hum Nhi Milty

Zindagi Khaak Na Thi Khaak Ura Kay Guzri
Tujh Say Kiya Kehtay Teray Paas Jo Aatay Guzri

Din Jo Guzra Tu Kisi Yaad Ki Ro Mai Guzra
Shaam Aayi Tu Koi Khuwaab Dikhatay Guzri
Tujh Say Kiya Kehtay Teray Paas Jo Aatay Guzri

Acchay Waqton Ki Tamanna Mai Rahi Umar-e-Rawaan
Waqt Aisa Tha Kay Bus Naaz Uthatay Guzri
Tujh Say Kiya Kehtay Teray Paas Jo Aatay Guzri

Raat Kiya Aayi Kay Tanhayi Ki Sargoshi Mai
Ghum Ka Aalam Tha Magar Suntay Sunatay Guzri
Tujh Say Kiya Kehtay Teray Paas Jo Aatay Guzri

Dil Ki Halat Pay Agar Parda Bhi Daalay Koi
Dil Yeh Chahay K Wohi Baat Uchalay Koi


Apni Baaton Say Kahin Rah Nikalay Koi
Aur Lafzoon Ko Hi Dewaar Bana Lay Koi


Inti Mushkil Bhi Nahi Hoon K Kabhi Hath Na Aaon
Itni Asaan Bhi Nahin Hoon K Uthalay Koi


Zindagi Aisey Basar Ab Nahi Hoti Hum say
Apnay Zindaa Tamanna Say Nikalay Koi


Phorne Attay Hain Sab Dil K Phaphole Lekin
Baantne Aya Nahi Paoon K Chalay Koi


Itna Aaloda Hua Jata Hay Mahool sara
Sakht Mushkil Hai K Daman Ko Bachaa Le Koi..

Zindagi Ki Raaho main Tum Chorr Hi Gye Akhir,
Bare Humdard Bante The Mera Dil Torr He Gye Akhir..
Tum Pe To Bare Maan The Meri Umeedon Ko,
Ab Kis Se Gilla Krun Tum Munh Morr Hi Gye Akhir..

Log To Chalo Log The Unho ne Jo Kiya So Kiya,
Bhri Duniya main Aaj Tum B Tanha Chorr Hi Gye Akhir..
Tum To Kehtey The Mein Wo nhi K Jo Chorron Tum Ko,
Apne waade Apni Kasmein Khud Torr Hi Gye Akhir
Wah Kya Khoob Mohabat Nibhai Hai Tum ne…

Mujh Ko Raah main Rota Chorr He Gye
Akhir…!!

samny manzil thi aur pechy us ki awaz
rukta tu safar jata, chalta tu bichar jata

mey khaana b us ka tha, saqi b us ka
agar peta tu emaan jata, jo na peta tu sanam jata

saza aisi mili mujh ko, zakham aisy lagay dil pr
chupata tu jigar jata, sunata tu bikhar jata..!!

Oh meraa unka taalluq jo rasm-o-raah kaa thaa
bas us men saara saliqa meray nibaah kaa thaa


Tujhe qariib se dekhaa to dil ne sochaa hai
k teraa husn bhi ek zaavia nigaah kaa thaa

Mile the hazrat-e-waaiz bhii tere kuuche meN
zaraa saa unse meraa iKhtelaaf raah kaa thaa

Terii jafaa kaa Khudaa silsila daraaz kare
k usse apnaa taalluq bhii gaah gaah ka thaa

Kantoon si chubhti hai Tanhai
Angaroon si sulagti hai Tanhai
Koi aa kar hum dono ko hunsa de
Main roti hoon rone lagti hai Tanhai
Jab bhi tere Hisar se nikalna chaha
Yaadoon k beej bone lagti hai Tanhai
Raat k kisi hise main yeh bhi Bewafa ho jati hai
Main nahi soti sone lagti hai Tanhai
Tum se judaa ho kar is se hi Dil laga lia hai
Mar si jati hoon jab khone lagti hai Tanhai..

Theher Jaye, Magar Raat Katay
Koi Soorat Ho Ke Barsaat Katay

Khushbuuain Mujhko Qalam Karti Gayin
Shaakh Dar Shaakh Mere Haath Katay

Mouj-e-Gul Hai Ke Talwaar Koi
Darmiaan Se Hee Manajaat Katay

Harf Kiun Apne Ganwayein Jaa Kar
Baat Se Phele Jahan Baat Katay

Chaand ! Aa Mil Ke Manayein Ye Shab
Aaj Ki Raat Tere Saath Katay

Pooray Insaanon Mein Ghus Aayein Hain
Sar Katay, Jism Katay, Zaat Katay

Khamosh zaban k lafzon main
kuch posheeda se batain hain
in posheeda se baton main
kuch chahat ki barsatain hain
in baton ko hum moddat se
seenay main chupa k bhatain hain
kuch paye bina kuch kho dayna
ye piar main hum nay seekha hai
suraj main chand sitaron main
hr shay main tumhey ko dhaikha hy
dharkan may b nagma ban kr
sagar ki tarha tum behtay ho
ye piar nahy to tum he kaho
phir piar kisay tum kehtay ho...