Poetry / Political

Muzammil Shahzad

Main Yeh Kis Key Naam Likhoon Jo Alam Guzar Rahay Hain


Main yeh kis key naam likhoon Jo alam guzar rahay hain
Meray shehar jal rahay hain, Meray log mar rahay hain

Koi ghuncha ho kay gul ho, Koi shaakh ho shajar ho
Woh hawa-e-gulistan hain kay sabhi bikhar rahay hain

Kabhi rehmatain thein nazil is hi khitta-e-zameen par
Wohi khitta-e-zameen hai kay aazaab uttar rahay hain

Wohi taroun ke jhurmat jo hawa main jhooltay thay
Woh fiza ko tak rahay hain tu aah bhar rahay hain

Koi aur to nahin hai pas-e-khanjar aazmai
Ham hi qatal ho rahay hain Ham hi qatal ker rahay hain

· 2 Like · Nov 06, 2015 at 21:11
Category: political
 
Poetry / Political

Muzammil Shahzad

Bebasi Ka Jaam

Na Milay Cheeni Aur Load Shading Ka Saylab Ho
Insan Beybusi Ka Jaam Pi Ker Hi Reh Jai Ga
Kaffan Say Bhi Phir Ho Jai Gi Chuti Uski
Khudkush Bum Dhamaka Hi Bus Kam Ker Jai Ga

· 2 Like · Feb 07, 2016 at 20:02
Category: political
 
Poetry / Political

Muzammil Shahzad

Achi Hokumat

Fiqr_O_Faqa Bhi Khoob Hey Aj Kul
Na Milay Daal, Na Milay Kahen Cheeni
Achi Hakomut Ka Nara Lugatay Hain Khud
Soney Key Bhao Bik Rahi Hey Cheeni

· 2 Like · Feb 07, 2016 at 14:02
Category: political
 
Poetry / Political

H.u.rehman

Terrorism (nazam)

deko ، dour ik laash paree hai

kay dayen janib

konay par sunsaan gali kay

kachra daikh rahay ho

uss kay paas lahoo mein luthri

khaak aloodah ، bhikri bhikri

ghair ya apna ، kaun hai jaaney

aao dekhin aur pehchanen

naqsh mita daalay goli nay

rangat khoon mein doob gayi hai

jayb tatolo ، kya rakha hai

ye dou khoon say tar hain

das das kay dou nott rakhe hain

haath jo neechay daba howa hai

iss ki sakht giraft mein kya hai

shayad hai school ka basta

jayb say ye kya jhaank reha hai

ik parcha hai ، khat hai shayad

toty phooti si urdu mein

rang birangi pislon kay

sab rangon say likha howa hai

" aaj jo basta mera

ho jaye gi tum say

aur biscuit bhi lana ،

pyare abboo ! jaldi aana ! ! "

· 2 Like · Feb 06, 2015 at 14:02
Category: political
 
Poetry / Political

Muzammil Shahzad

Tuloo Sehar

teree manzil sehr say hai gafil
to raat peh iktifa nah kar

to hai parwar daaye ahal hukam
ki kisi baat peh iktifa nah kar

apni zaat mein sahab kar paida
mangi hui barsaat peh iktifa nah kar

faqa masti behtar hai aseeri say
yoon ghairon ki khairaat peh iktifa nah kar

kuch kar tudaaruk apnay tang ayyaam ka
in rawaan halaat peh iktifa nah kar

· 2 Like · Jan 15, 2015 at 10:01
Category: political
 
Poetry / Political

Muzammil Shahzad

O Hukmrano

Meray Chaman Ko Kardia Hay Kis Nay Aisa
Is Guthi Ko Ab Tou Suljha Lainay Do

Banaya Bhai Ko Bhai Ka Dushman Kis Nay
Khudara Nafratoon Ki Aarh Ko Ab Tou Mita Lainay Do

Masal Rahay Hain Hathoo Main Aghyar Hum Ko
Watan Ko Apnon Say Ab Tou Saja Lainay Do

Chakhay Hum Nay Mazay Bahut Hain Aamriat Kay
Jamhoriat Ki Bhi Hawa Ab Tou Chala Lainay Do

Hay Arzoo Sub Ki Apnay Watan Ki Khushhali
Jama-E-Amli Isay Ab Tou Pehna Lainay Do

Jangoo Main Hi Guzri Hay Zindagani Ab Tak
Kuch Amn-O-Sukoon Ka Ab Tou Maza Lainay Do

Ho Har Taraf Hi Kamraniyoo Kay Chiragh
Nakamiyoo Ki Aag Ko Ab Tou Bujha Lainay Do

Haan Is Guthi Ko Ab Tou Suljha Lainay Do
O Hukmranoo!Aman Ko Ab Tou Aa Lainay Do

· 2 Like · Jan 13, 2015 at 15:01
Category: political
 
Poetry / Political

Muzammil Shahzad

Salam Hai Bibi

hayat cheennay walay siyah hathon ki
ye arzu thi tujhey qatl kar diya jaye

har aik chowk mein tera jawaan jisam giray
tamam shehar khuun say bhar diya jaye

iss arzu mein kai baar mout bheji gayi
har aik baar magar to nay zindagi payi

aur abb ki baar andheray jo kamyaab huay
hayat nay khuun say he roshni payi

lahoo rulati rahay gi jo ko sada
ye roshni he tiraa intiqam hai bii bii

yazid waqt say lartay huay shaeed hui
salam hai tujhey bii bii ، salam hai bii bii

· 1 Like · Jan 13, 2015 at 09:01
Category: political
 
Poetry / Political

Muzammil Shahzad

Benazir K Naam

Khayal Ko Kisi Aahat Ki Aas Rehti Hai
Nigah Ko Kisi Surat Ki Pyaas Rehti Hai

Tere Bin Kisi Cheez Ki Kami To Nahi
Tere Bin Tabiyat Udas Rehti Hai

· 1 Like · Jan 13, 2015 at 03:01
Category: political
 
Poetry / Political

Muzammil Shahzad

Ae Ameer Shehar Zara Neechay Utar

ae ameer shehar zara neechay utar
roz log yeha gayab hute hain

bachon ko papa nahi milta
tairay kuttay bargar khaty hain

hum ghareebon ko aata nahi milta
ae ameer shehar zara neechay utar

tairay raste saaray roshan hain
aur mairay liht nahi

kya mein tax ada nahi karta
kya iss peh mera right nahi

ae ameer shehar zara neechay utar

sab qaiday qanoon hain mairay liye
to iss say balatar kiyon hai

hamein kahin insaaf nahi milta
k haalat abtar kiyon hai

ae ameer shehar zara neechay utar

· 1 Like · Jan 12, 2015 at 21:01
Category: political
 
Poetry / Political

Muzammil Shahzad

Mere Mulk Mein

Her Roz Eik Naya Tamasha Hai Mere Mulk Main
Kabhi Idher To Kabhi Udher Dhamaka Hai Mere Mulk Main

Lambi Garyon Onchen Makano Main Bejazbaat Se Log
Makhloq-E-Insani Ka Ajab Dikhawa Hai Mere Mulk Main

Nikalne Wala Ghar Se Wapis Janey Aae Na Aae
Mout Ka Her So Bulawa Hai Mere Mulk Main

Bhari Tijoryan Apni Watan Ka Khzana Khali
Awaam Ko Bas Wadon Ka Behlawa Hai Mere Mulk Main

Na Rotti Na Kapra Na Makan Hai Farhan
Kafn Hi Ab Sukon Ka Pehnawa Hai Mere Mulk Main

· 1 Like · Jan 12, 2015 at 14:01
Category: political
 
Khudkushi karnay gaye lekin
Posted by iJunoon
Posted on : Jun 05, 2018

Random Post

Sponored Video

New Pages at Social Wall

New Profiles at Social Wall

Connect with us


Facebook

Twitter

Google +

RSS