Meri Mitti

Larzaan Aankhon Say Tapaktay Huay Ashkoon Ki Qasam
Bikhri Aahon Main Bhi Har Lab Pe Sada Rehti Hai
Apni Mitti ,Or Iski Namoos Ki Baqa K Liye
Har Taraptay Huay Dil Main Ye Dua Rehti Hai
Aye Khuda Is Ko Sada Yun He Salamat Rakhna
Isko Is K Jan Nisaaron Ki Amaanat Rakhna

Kub Koi Aman Ka Taalib Hai Ye Gawaara Karta
Kisi Jaabir Ka Apnay Ghar Pe Hakoomat Karna
Kesay Phoolon Ko Masaltay Huay Seh Lay Koi
Jis Ka Maqsad Ho Zamaanay Main Sahoolat Karna
Jb Bhi Tm Rasm.E.Muhabbat Ko Ada Karnay Chalo
Apnay Pyaaron Se Kiye Waaday Wafa Kartay Chalo

Meri Matti Main Meray Sainkaroo Aaba Hain Dafan
En K Khwaabon Ko Mil Jul K Amar Karna Hoga
Yun Tau Hr Gaam Pe Laghzish Bhi Yaqeenun Hoge
Phr Bhi Hr Jung Main Gir Gir K Snbhlna Hoga
Es K Naam Pe Har Baar Sar Katwaain Gay
Jaan Day Kr Bhi Sada Hayaat Hum Kehlaain Gay