Archives

Poetry / Sad

Muzammil Shahzad

Mumkin Ho Aap Say To Bhula Dijiye Mujhay

Mumkin Ho Aap Say To Bhula Dijiye Mujhay
Pathar Pay Hon Lakeer, Mita Dijiye Mujhay


Har Roz Mujh Say Taaza Shikayat Hai Aap Ko
Mai Kia Hon, Aik Baar Bata Dijiye Mujhay


Merey Siwa Bhi Hai Koi Mozoo-E-Guftugu
Apna Bhi Koi Rang Dikha Dijiye Mujhay


Ki Mai Nay Apnay Zakham Ki Tashheer Jaa Baja
Mai Maanti Hon Jurm, Saza Dijiye Mujhay


Qaim To Ho Sakay Koi Rishta Gohar K Saath
Gehray Samandaron Mai Baha Dijiye Mujhay


Shab Bhar Kiran Kiran Ko Tarasnay Say Faida
Hai Tiragi To Aag Laga Dijiye Mujhay


Jaltey Dinon Mei Khud Pass-E-Deewar Baith Kar
Saaye Ki Justuju Mei Laga Dijiyey Mujhay


Yun To Shola-E-Jaan Sard Ho Chuka
Laikin Sulag Uthoun To Hawa Dijiye Mujhay

· 1 Like · 15 Hours Ago
Category: sad
 
Poetry / Sad

Muzammil Shahzad

Tu Dhoop Hey Bohut Magar Khamosh Nahi

Tu dhoop hey bohut magar khamosh nahi
Teray dil key uthtay tufanon ki kia mujhey khaber nahi

Teri muhabat ka suraj chamkay ga ik din
Kyu key raat andheary hey bohat per kalii nahi

Faraib-E-Sheher ka hey mujh ko yaken
Tery baton ka sahara hey pr dilasa nahi

Sanwaray ga tu pyar say meray Mathay Ki Jholti Lath
aitamad hey is ka mujhey pr yaqeen nahi

· 1 Like · 21 Hours Ago
Category: sad
 
Poetry / Sad

Muzammil Shahzad

Janaa Kurbatoun Ka Dawa Nahee Tujh Ko

Janaa Kurbatoun Ka Dawa Nahee Tujh Ko
Kia Kia Phir Yaad Dilaon Tujh Ko

Munh Phair Ker Muskuraya Tha Ik Din
Yaad Dila Ker Kia Sataon Tujh Ko

Un Kahi Batian Biyan Kerti Thi Tery Nazrain
Apnay Hi Ishq Ki Kia Kahani Sunaon Tujh Ko

Ehd-E-Wafa Ka Gur Irada Na Tha Tera
Ujrey Dil Ka Falsafa Phir Kia Bataon Tujh Ko

· 1 Like · 1 Days Ago
Category: sad
 
Poetry / Sad

Muzammil Shahzad

Dard Mein Bhi Ab Hum Hasna Seekh Gaye

Dard Mein Bhi Ab Hum Hasna Seekh Gaye
Kaisi Mohabbat Hai Jo Hum Hasna Bhool Gaye

Pehle Rulate Ho Phir Hansate Ho Kis Liye
Kaisi Mohabbat Hai Jo Hum Hasna Bhool Gaye

Dard Badh Gaya Hai Jalan Bankar Humare Liye
Kaisi Mohabbat Hai Jo Hum Hasna Bhool Gaye

Ghamon Ko Na Bhula Paaye Yeh Kaise Dard Mile
Kuchh Haseen Palon Ko Yaad Karke Hasna Bhool Gaye

Saamne Hote Ho Tum Phir Kuchh Na Kaho Mere Liye
Har Pal Jo Khilta Tha Chehara Usse

Hum Pahchan Na Bhool Gaye
Khwaabon Mein Aakar Jo Neend Chura Gaye

Ab Mera Hosh Aur Meri Saason Ko Bhi Le Gaye
Aur Kya Rakha Hai Ab Iss Zindagi Ke Liye

Tum Bhi Humen Dard Mein Hi Rukhsat Kar Gaye
Zulm Na Ho Iss Zindagi Pe Ye Sandesh Le Aaye

· 1 Like · 1 Days Ago
Category: sad
 
Poetry / Sad

Muzammil Shahzad

Ab Ke Tajdeed E Vafaa Kaa Nahiin Imkaan Jana

Ab ke tajdeed-e-vafaa kaa nahiiN imkaaN jana
yaad kyaa tujh ko dilaayeN teraa paimaaN jana

yuuN hii mausam kii adaa dekh ke yaad aayaa hai
kis qadar jald badal jaate haiN insaaN jana

zindagii terii ataa thii so tere naam kii hai
ham ne jaise bhii basar kii teraa ehsaaN jana

dil ye kahta hai ki shaayad ho fasurdaa tuu bhii
dil kii kyaa baat kareN dil to hai naadaaN jana

avval-avval kii muhabbat ke nashe yaad to kar
bepiye bhii teraa cheharaa thaa gulistaaN jana

aaKhir aaKhir to ye aalam hai ki ab hosh nahiiN
rg-e-miinaa sulag uThii ki rag-e-jaaN jana

muddatoN se ye aalam na tavaqqo na ummiid
dil pukaare hii chalaa jaataa hai jana jana

ham bhii kyaa saadaa the ham ne bhii samajh rakhaa thaa
Gam-e-dauraaN se judaa hai Gam-e-jana jana

ab kii kuchh aisii saji mahafil-e-yaaraaN jana
sar-ba-zanu hai koii sr-ba-girebaaN jana

har koii apanii hii aawaaz se kaaNp uThtaa hai
har koii apnay hii saaye se hirasaN jana

jis ko dekho vahii zanjer-ba-pa lagataa hai
shahar kaa shahar huaa daaKhil-e-zindaaN jana

ab teraa zikr bhii shaayad hii Gazal meN aaye
aur se aur huaa dard kaa unvan jana

ham k ruthii huii rut ko bhii manaa lete the
ham ne dekhaa hii na thaa mausam-e-hijraaN jana

hosh aayaa to sabhii Khvaab the rezaa-rezaa
jaise uDate huye auraaq-e-pareshaaN jana

· 1 Like · 2 Days Ago
Category: sad
 
Poetry / Love

Muzammil Shahzad

Aye Kuch Abr Kuch Sharab Aye

Aye kuch abr kuch sharab aye
us ke bad aye jo azab aye

baam-e-miina se maahtab utre
dast-e-saaqi meN aftab aye

har rg-e-KhuuN meN phir charaGhan ho
saamne phir wo be naqab aye

kar raha tha dil Gham-e-jahan ka hisab
aj tum yaad be hisab aye

na gai tere Gham ki sardari
dil men yuun roz inqilab aye

is tarah apni Khamoshi gungi
goya har simt se javab aye

Faiz thi raah sar ba sar manzil
ham jahan pohunche kaamyaab aye

· 1 Like · 3 Days Ago
Category: love
 
Poetry / Sad

Muzammil Shahzad

Ab Ke Ham Bichhre To Shaayad Kabhii Khvaabon Men Milen

ab ke ham bichhRe to shaayad kabhii KhvaaboN meN mileN
jis tarah sokhe hue phuul kitaaboN meN mileN

Dhoundh ujRe hue logoN meN vafaa ke motii
ye Khazaane tujhe mumkin hai Kharabon meN mileN

tuu Khudaa hai na meraa ishq farishtoN jaisaa
donoN insaan haiN to kyu itne hijaabon meN mileN

Gham-e-duniya bhi Gham-e-yaar me shamil kar lo
nasha barpa hai sharabain jo sharaboN meN mileN

aaj ham daar pe kheNche gaye jin baatoN par
kyaa ajab kal vo zamaane ko nisaaboN meN mileN

ab na vo maiN huN na tuu hai na vo maazii hai Faraaz
jaise do saaye tamannaa ke saraaboN meN mileN

· 1 Like · 3 Days Ago
Category: sad
 
Poetry / Sad

Muzammil Shahzad

Ab Haq Mein Baharon Ke Saba Hai Ke Nahi Hai

Ab haq meiN baharoN ke saba hai ke nahi hai
phuuloN pe wo pehli si hawa ke nahi hai

khushbu ki shahadat bhi bari cheez hai lekin
teraa naqsh-e-kaf-e-paa hai ke nahi hai

wo partab-e-ruKh apna hta leiN tau dikha du
ke in chand sitaaroN mein ziya hai ke nahi hai

ye soch ke naqiboo ko pukaro
raat apne charaGhoN ko hawa hai ke nahi hai

jis Gham ke liye tuu ne kia, tark-e-taalluq
wo Gham tujhe pehle se siva hai ke nahi hai

daulat meiN sukoon husn meiN eesaar ka jazbah
sau baar tujhe keh tau diya hai ke nahiiN hai

maiKhana khule ya na khule sirf ye dekho
sheeshon ke khanakne ki sada hai ke nahiiN hai

ye tau koi Mansoor bataye tau bataye
ke suli pe taRapne mein mazaa hai ke nahi hai

a jaaoge Haalat ki zadd per jo kisi din
ho jayega maaloom Khudaa hai ke nahiiN hai

khaamosh haiN lekin ye Khabar sabko hai Danish
wo dushman-e-ehbaab-e-wafaa hai ke nahi hai

· 1 Like · 4 Days Ago
Category: sad
 
Poetry / Love

Muzammil Shahzad

Ap Duniya Bhar Se Ulfat Kejiye

Ap duniya bhar se ulfat kejiye
mujh ko mera dil inayat kejiye

zabt se kya Khuun-e-hasrat kejiye
aik nala kar ke fursat kejiye

zoaq kahta hai ke manzil duur hai
shauq kahta hai ke himmat kejiye

gharq hi hona tha manzoor-e-Khuda
naa Khudaa ki kya shikayat kejiye

hazrat-e-Natiq jahan tak ho sake
apne dil meN zabt-e-ulfat kejiye

· 1 Like · 4 Days Ago
Category: love
 
Poetry / Sad

Muzammil Shahzad

Ankhon Ka Rang Baat Ka Lahja Badal Gaya

ANkhoN ka rang baat ka lahja badal gaya
vo shaKhs ek shaam meN kitna badal gaya

kuch din to mera aks raha aine pe naqsh
phir yuN hua ke Khud mera chehra badal gaya

jab apne apne haal pe ham tum na reh sake
to kyaa hua jo hamse zamana badal gaya

qadmoN tale jo ret bichi thi vo chal padi
us ne churaya hath to sehra badal gaya

koi bhi chiiz apni jagah par nahiN rahii
jate hi ek shakhs k kya kya badal gaya

ek sar khushi ki mauj ne kaisa kiya kamal
vo be-niyaaz sare ka sara badal gaya

uth kar chala gayaa koi waqfay ke darmiyaaN
parda utha to sara tamaasha badal gaya

hairat se saare lafz usay daikhte rahe
baatoN meN apni baat ko kaisa badal gaya

kahne ko ek sehan meN divar hi bani
ghar ki fiza makaaN ka naqsha badal gaya

shaayed wafa ke khel se ukta gaya tha wo
manzil ke paas a ke jo rastaa badal gaya

qayam kisi bhi haal pe duniya nahi rahi
taabir kho gayi kabhi sapna badal gaya

manzar ka rang asl meN saya tha rang ka
jis ne usay jidhar se bhi daikha badal gaya

andar ke mausamoN ki Khabar us ko ho gayii
us no-bahar-e-naaz ka chehra badal gaya

aaNkhoN meN jitne ashq the jugnuu se ban gaye
vo muskuraya aur meri duniya badal gaya

apni gali meN apna hi ghar dhundhte haiN log
Amjad ye kaun shahr ka naqsha badal gaya

· 2 Like · 5 Days Ago
Category: sad
 
Love You Mom
Posted by maria waheed
Posted on : Aug 03, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS