Poetry / Love

Muzammil Shahzad

Tujay Orhoun Ya Tera Libaas Ho Jaoon

TUJAY ORHOUN YA TERA LIBAAS HO JAOON
TERI RAGON ME DHAL KAR EK AHSAS HO JAOON

EK RAAT JO MILAY MUJAY TERI ZAAT SE
TU SAMANDAR BANAY, MAIN PYAS HO JAOON

TERE WAJOOD SE HE HAI MERE CHEHRAY PE RONAQ
TERA CHEHRA NA DEKHOON TO UDAAS HO JAOON

FAQAT ITNI C KHAISH HAI TERI ZINDAGI ME SHAMIL HOON
PHIR BHALLAY QISSA BANOON YA QAYAS HO JAOON

TERE LAB TERE HATH MERA HAR NAQSH AMAR KAR LAIN
TU MUJAY BHOOL NA PAYE ME ITNA KHAS HO JAOON

· 1 Like · 5 Hours Ago
Category: love
 
Poetry / Love

Muzammil Shahzad

Ak Arzoo Hay Puri Parwar Digaar Karay

Ak Arzoo Hay Puri Parwar Digaar Karay
Main Deir Say Jao Wo Mera Intazar Karay

Apnay Haathon Say Sanwaroon Zulfain Us Ki
Wo Sharma Kay Mohabbat Ka Iqraar Karay

Ho Shab -e- Wasl Aisi Yaarab
K Bheegi Zulfon Say Mujhay Be Dar Karay

Jab Usay Chorr Kay Jana Chahon Wasi
Wo Rokay Or Ak Raat Ka Israar Karay

Main Kise Or Ki Ho Nahi Sakti
Ye Wada -e- Wafa Baar Baar Karay

· 1 Like · 15 Hours Ago
Category: love
 
Poetry / Sad

Muzammil Shahzad

Sarapa Ashk Hoon Main Ab Bikhar Jao Tu Behter Hay

Sarapa Ashk Hoon Main Ab Bikhar Jao Tu Behter Hay
Jidhar Jatay Hain Ye Baadal Udhar Jao Tu Behter Hay

Ye Dil Kehta Hay Teray Shaher Main Kuch Din Thehar Jao
Mager Halaat Kehtay Hain Keh Ghar Jao Tu Behter Hay

Dilon Main Faraq Aayen Gay Taluq Toot Jayen Gay
Jo Dekha, Jo Suna, Us Say Mukar Jao Tu Behter Hay

Yaha Hay Koun Mera Jo Mujhay Samjhaye Ga Faraz
Main Koshish Kar Kay Ab Khud Hi Sudhar Jao Tu Behter Hay

· 1 Like · 21 Hours Ago
Category: sad
 
Poetry / Sad

Muzammil Shahzad

Sukoon E Dil Ke Liye Kuch

Sukoon e dil ke liye kuch
to ehtimaam karoon
zara nazar to mile
phir unhe salaam karoon


Mujhe to hosh nahi
aap mashwara dijay
kahan se chedoon fasana
kahan tamaam karoon

Unhi ke zulam ka shikwa karoon zamane se
unhi ke haq main duaein main subah shaam karoon

Woh bewafa hain to ham ne Shakeel soch liya
mujhe kasam hai kisi se agar kalam karoo

· 1 Like · 1 Days Ago
Category: sad
 
Poetry / Sad

Muzammil Shahzad

Waqt Ki Taiz Rawi Dekh Ke Deer Jatey Hain

Waqt ki taiz rawi dekh ke deer jatey hain
Log jetey hain kuch is tarah ke mar jatey hain

Zindagaani teri azmat ko badhane wale
Muskuratay hue maqtal se guzar jatey hain

Bazm e yaraan ho ke dasht e shab e tanhai ho
Zakhm bharne pe jab atey hain to bhar jatey hain

Yeh shab o roz bhi auraq e pareshan ki tarah
Baar ha waqt ki aandhi main bikhar jatey hain

Kitni yaadon se ulajhti hai meri tanhai
Kitne toofaan mere sar se guzar jatey hain

Door reh ker bhi kabhi shikwa e doori na raha
Aap hi aap hain jis simt jidhar jatey hain

Waqt nasaaz hai behtar hai ke ab lout chalain
Shaam hote hi parindey bhi to ghar jatey hain

· 1 Like · 2 Days Ago
Category: sad
 
Poetry / Love

Ijunoon

Chehra Mera Tha Nigahen Us Ki

chehra mera tha nigahen us ki
khamushi main bhi wo baten us ki

mere chehre pe gazal likhti gain
sher kahti hui ankhen us ki

shokh lamhon ka pata dene lagin
tez hoti hui sansen us ki

aise mausam bhi guzare ham ne
subhen jab apni thin shaamain us ki

dhyan main us k ye alam tha kabhi
ankh mahtab ki yaden us ki

faisala mauj-e-hawa ne likkha
andhiyan meri baharen us ki

nind is soch se tuti aksar
kis tarah katti hain raten us ki

door reh kar bhi sada rahti hai
mujh ko thamay hue bahain us ki

· 1 Like · 2 Days Ago
Category: love
 
Poetry / Sad

Muzammil Shahzad

Sanam Ne Chashm Ko Jis Raah Ka Intezaar Diya

Sanam Ne Chashm Ko Jis Raah Ka Intezaar Diya
Hum Aise The Ke Ye Jeewan Wahin Guzaar Diya

Gayi Wo Umr Magar Tees Na Gayi Dilse
Diya Jo Zakhm Wafa Ne So Yaadgaar Diya

Jahan Kisiko Lagaya Hai Apne Seene Se
Usi Ne Taak Ke Khanjar Wahin Utaar Diya

Bhale Hi Chhorh Diya Raaste Mein Yaaron Ne
Hamari Zaat Ka Aakhir Ko Aitbaar Diya

Dhula Dhula Sa Ye Chehra, Ye Surkh Si Aankhein
Tumhare Gam Ne Hamein Aur Bhi Nikhaar Diya

Mere Badan Pe Ye Aankhein Kuch Aisi Lagti Hai
Kisi Ki Qabr Pe Jaise Ho Sogwaar Diya

Dilon Se Khelna Aadat Badi Kharab si hay
Kisi Ne Khel Ke Tumse Tumhe Sudhaar Diya

· 1 Like · 3 Days Ago
Category: sad
 
Poetry / Sad

Muzammil Shahzad

Es Karri Dhoop Mein Jalty Hue Paaon Ki Tarha

Es karri dhoop mein jalty hue paaon ki tarha
Tu kisi or k aangan mein hai chaon ki tarha

Tu to waqif hai mere jazbon ki sachaai se
Phir kion khaamosh hai pather k khudaon ki tarha

Main to khusbu ki tarha saath raha hun tere
Tu bhatakta raha be chain hawaon ki tarha

Wo jo barbad hue thay wohi badnam hue hein
Tu to masoom raha apni adaaon ki tarha

Gham to ye hai k humein koi khushi raas nahi
Zindagi kaat rahy hein hum sazaon ki tarha




· 3 Like · 3 Days Ago
Category: sad
 
Poetry / Love

Muzammil Shahzad

Meray Muqablay Mein Dil Kisi Pe Haar K Daikh

Meray Muqablay mein dil kisi pe haar k daikh
Baghair meray zaraa Zindagi guzaar k daikh

Tujhay nahin hai meri shidatoon ka andaaza
Kisi bhi simt se mujh ko kabhi pukaar k daikh

Tu aa k mera sabhi kuchh he chheen k le ja
Mohabbaton ka mera Qarz yun utaar k daikh

Boht hi pyaar se daikhay ga Aina tujhko
Kisi k wastay khud ko kabhi sanwaar k daikh

Bisaat-e-Dil pe ajab hai Shikast-e-Zaat ka Lutf
Jahan pe JEET attal ho, wo CHAAL HAAR k daik

· 1 Like · 3 Days Ago
Category: love
 
Poetry / Love

Muzammil Shahzad

Kabhi Yun Jo Ho Kisi Din Agar

Kabhi yun jo ho kisi din agar
Kabhi tu mujhey sre-e-raah miley

Mein hazaar lamhon ko khainch kar
Yeh jo chalta waqt hai baandh doon

Yeh jo gardisheain hein zameen ki
Usi ik lamhey pe ruki rahain

Mein taka karoon tujhey jazb se
Yunhi pyar se yunhi ishq se
Teri her adaa ko samait loon

Mein hisaar-e-jaan mein sajaa rakhon
Na tu keh sakey , na mein keh sakon

Tu jo paas ho to mein jee sakon
Tu jo door ho na jiya karoon

Kabhi yun jo ho kisi din agar
Merey humsafar tu jo na miley
Mein hazaar dharkanon ko khainch kar
Ye jo chalta dil hai baandh doon

Ye jo silsiley hein meri saans ke
Teri doori mein hi haar doon

Tu jo paas ho to mein jee sakoon
Tu jo door ho , na jiya karoon

Kabhi yun jo ho kisi din agar
Merey hum safar tu jo na miley

· 1 Like · 3 Days Ago
Category: love
 
Ehmiyat
Posted by Amin Lakhan
Posted on : Jun 12, 2015

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS