Archives

Please Login to Send Message.

Muzammil Shahzad

From : Pakistan
Followers : 0   Total Updates : 3182
Member Since : Aug 24, 2012
Poetry / Love

Muzammil Shahzad

Tujay Orhoun Ya Tera Libaas Ho Jaoon

TUJAY ORHOUN YA TERA LIBAAS HO JAOON
TERI RAGON ME DHAL KAR EK AHSAS HO JAOON

EK RAAT JO MILAY MUJAY TERI ZAAT SE
TU SAMANDAR BANAY, MAIN PYAS HO JAOON

TERE WAJOOD SE HE HAI MERE CHEHRAY PE RONAQ
TERA CHEHRA NA DEKHOON TO UDAAS HO JAOON

FAQAT ITNI C KHAISH HAI TERI ZINDAGI ME SHAMIL HOON
PHIR BHALLAY QISSA BANOON YA QAYAS HO JAOON

TERE LAB TERE HATH MERA HAR NAQSH AMAR KAR LAIN
TU MUJAY BHOOL NA PAYE ME ITNA KHAS HO JAOON

· 1 Like · Feb 23, 2017 at 04:02
Category: love
 
Poetry / Love

Muzammil Shahzad

Ak Arzoo Hay Puri Parwar Digaar Karay

Ak Arzoo Hay Puri Parwar Digaar Karay
Main Deir Say Jao Wo Mera Intazar Karay

Apnay Haathon Say Sanwaroon Zulfain Us Ki
Wo Sharma Kay Mohabbat Ka Iqraar Karay

Ho Shab -e- Wasl Aisi Yaarab
K Bheegi Zulfon Say Mujhay Be Dar Karay

Jab Usay Chorr Kay Jana Chahon Wasi
Wo Rokay Or Ak Raat Ka Israar Karay

Main Kise Or Ki Ho Nahi Sakti
Ye Wada -e- Wafa Baar Baar Karay

· 1 Like · Feb 22, 2017 at 18:02
Category: love
 
Advertisement
Poetry / Sad

Muzammil Shahzad

Sarapa Ashk Hoon Main Ab Bikhar Jao Tu Behter Hay

Sarapa Ashk Hoon Main Ab Bikhar Jao Tu Behter Hay
Jidhar Jatay Hain Ye Baadal Udhar Jao Tu Behter Hay

Ye Dil Kehta Hay Teray Shaher Main Kuch Din Thehar Jao
Mager Halaat Kehtay Hain Keh Ghar Jao Tu Behter Hay

Dilon Main Faraq Aayen Gay Taluq Toot Jayen Gay
Jo Dekha, Jo Suna, Us Say Mukar Jao Tu Behter Hay

Yaha Hay Koun Mera Jo Mujhay Samjhaye Ga Faraz
Main Koshish Kar Kay Ab Khud Hi Sudhar Jao Tu Behter Hay

· 1 Like · Feb 22, 2017 at 12:02
Category: sad
 
Poetry / Sad

Muzammil Shahzad

Sukoon E Dil Ke Liye Kuch

Sukoon e dil ke liye kuch
to ehtimaam karoon
zara nazar to mile
phir unhe salaam karoon


Mujhe to hosh nahi
aap mashwara dijay
kahan se chedoon fasana
kahan tamaam karoon

Unhi ke zulam ka shikwa karoon zamane se
unhi ke haq main duaein main subah shaam karoon

Woh bewafa hain to ham ne Shakeel soch liya
mujhe kasam hai kisi se agar kalam karoo

· 1 Like · Feb 21, 2017 at 17:02
Category: sad
 
Poetry / Sad

Muzammil Shahzad

Waqt Ki Taiz Rawi Dekh Ke Deer Jatey Hain

Waqt ki taiz rawi dekh ke deer jatey hain
Log jetey hain kuch is tarah ke mar jatey hain

Zindagaani teri azmat ko badhane wale
Muskuratay hue maqtal se guzar jatey hain

Bazm e yaraan ho ke dasht e shab e tanhai ho
Zakhm bharne pe jab atey hain to bhar jatey hain

Yeh shab o roz bhi auraq e pareshan ki tarah
Baar ha waqt ki aandhi main bikhar jatey hain

Kitni yaadon se ulajhti hai meri tanhai
Kitne toofaan mere sar se guzar jatey hain

Door reh ker bhi kabhi shikwa e doori na raha
Aap hi aap hain jis simt jidhar jatey hain

Waqt nasaaz hai behtar hai ke ab lout chalain
Shaam hote hi parindey bhi to ghar jatey hain

· 1 Like · Feb 21, 2017 at 08:02
Category: sad
 
Poetry / Sad

Muzammil Shahzad

Sanam Ne Chashm Ko Jis Raah Ka Intezaar Diya

Sanam Ne Chashm Ko Jis Raah Ka Intezaar Diya
Hum Aise The Ke Ye Jeewan Wahin Guzaar Diya

Gayi Wo Umr Magar Tees Na Gayi Dilse
Diya Jo Zakhm Wafa Ne So Yaadgaar Diya

Jahan Kisiko Lagaya Hai Apne Seene Se
Usi Ne Taak Ke Khanjar Wahin Utaar Diya

Bhale Hi Chhorh Diya Raaste Mein Yaaron Ne
Hamari Zaat Ka Aakhir Ko Aitbaar Diya

Dhula Dhula Sa Ye Chehra, Ye Surkh Si Aankhein
Tumhare Gam Ne Hamein Aur Bhi Nikhaar Diya

Mere Badan Pe Ye Aankhein Kuch Aisi Lagti Hai
Kisi Ki Qabr Pe Jaise Ho Sogwaar Diya

Dilon Se Khelna Aadat Badi Kharab si hay
Kisi Ne Khel Ke Tumse Tumhe Sudhaar Diya

· 1 Like · Feb 20, 2017 at 07:02
Category: sad
 
Poetry / Sad

Muzammil Shahzad

Es Karri Dhoop Mein Jalty Hue Paaon Ki Tarha

Es karri dhoop mein jalty hue paaon ki tarha
Tu kisi or k aangan mein hai chaon ki tarha

Tu to waqif hai mere jazbon ki sachaai se
Phir kion khaamosh hai pather k khudaon ki tarha

Main to khusbu ki tarha saath raha hun tere
Tu bhatakta raha be chain hawaon ki tarha

Wo jo barbad hue thay wohi badnam hue hein
Tu to masoom raha apni adaaon ki tarha

Gham to ye hai k humein koi khushi raas nahi
Zindagi kaat rahy hein hum sazaon ki tarha




· 3 Like · Feb 20, 2017 at 01:02
Category: sad
 
Poetry / Love

Muzammil Shahzad

Meray Muqablay Mein Dil Kisi Pe Haar K Daikh

Meray Muqablay mein dil kisi pe haar k daikh
Baghair meray zaraa Zindagi guzaar k daikh

Tujhay nahin hai meri shidatoon ka andaaza
Kisi bhi simt se mujh ko kabhi pukaar k daikh

Tu aa k mera sabhi kuchh he chheen k le ja
Mohabbaton ka mera Qarz yun utaar k daikh

Boht hi pyaar se daikhay ga Aina tujhko
Kisi k wastay khud ko kabhi sanwaar k daikh

Bisaat-e-Dil pe ajab hai Shikast-e-Zaat ka Lutf
Jahan pe JEET attal ho, wo CHAAL HAAR k daik

· 1 Like · Feb 19, 2017 at 16:02
Category: love
 
Poetry / Love

Muzammil Shahzad

Kabhi Yun Jo Ho Kisi Din Agar

Kabhi yun jo ho kisi din agar
Kabhi tu mujhey sre-e-raah miley

Mein hazaar lamhon ko khainch kar
Yeh jo chalta waqt hai baandh doon

Yeh jo gardisheain hein zameen ki
Usi ik lamhey pe ruki rahain

Mein taka karoon tujhey jazb se
Yunhi pyar se yunhi ishq se
Teri her adaa ko samait loon

Mein hisaar-e-jaan mein sajaa rakhon
Na tu keh sakey , na mein keh sakon

Tu jo paas ho to mein jee sakon
Tu jo door ho na jiya karoon

Kabhi yun jo ho kisi din agar
Merey humsafar tu jo na miley
Mein hazaar dharkanon ko khainch kar
Ye jo chalta dil hai baandh doon

Ye jo silsiley hein meri saans ke
Teri doori mein hi haar doon

Tu jo paas ho to mein jee sakoon
Tu jo door ho , na jiya karoon

Kabhi yun jo ho kisi din agar
Merey hum safar tu jo na miley

· 1 Like · Feb 19, 2017 at 09:02
Category: love
 
Poetry / Love

Muzammil Shahzad

Naya Hai Shehr, Naye Asray Talaash Karun

Naya hai shehr, naye asray talaash karun
Tu kho gaya hay, kahan ab tujhay talash karun

Tu aks hai to kabhi meri chashm-e-tar mai utar
Teray liye main kahan aainay talaash karun

Ghazal kahun, kabhi saada se khat likhun us ko
Udaas dil ke liye mashghalay talaash karun

Meray wajood se shayad milay suraakh uska
Mai khud ko bhi teray waastay talaash karun

Mai chup rahun, kbi be wajha hans parron Mohsin
Usay ganwa ke ajab hauslay talaash karun

· 1 Like · Feb 18, 2017 at 09:02
Category: love
 
Poetry / Love

Muzammil Shahzad

Ye Aankh Bhi Ye Khuab Bhi Ye Raat Bhi Uski

ye aankh bhi ye khuab bhi ye raat bhi uski
har baat pe yaad aati hai har baat bhi uski

jugno se chamaktay hain usi yaad ke dam se
aankhon men liey phirtay hain soghaat bhi uski

har sholay ke peechay hai usi aag ki sorat
har baat ke parday men hekiyaat bhi uski

lafzon men sajatay hain usi husn ki khusbo
aankhon men chupatay hain shekiyaat bhi uski

kya kijiey achi hamen lagti hai hamesha
dewaangi e dil men har baat bhi uski

jis shakhs ne manzar ko naey phool diye thay
hain dour e khizan par anayaat bhi uski

aata hai nazar majma e ahbaab men Adil
lakhon men akali hai mgr zaat bhi uski

· 1 Like · Feb 17, 2017 at 10:02
Category: love
 
Poetry / Love

Muzammil Shahzad

Ana Ki Baat Hay Warna Mohabbat Ab Bhi Baki Hay

Ana Ki Baat Hay Warna Mohabbat Ab Bhi Baki Hay
Usay Meri Mujhay Us Ki Zarorat Ab Bhi Baki Hay

Koii Mushkil Ager Darpesh ho Lout Aana Tum
Tumharay Wastay DIL Main Aqeedat Ab Bhi Baki Hay

Bala Ki Sard Mehri Hay Meri Har Baat Main Lakin
Meray Seenay Main Chahat Ki Hararat Ab Bhi Baki Hay

· 1 Like · Feb 17, 2017 at 03:02
Category: love
 
Poetry / Love

Muzammil Shahzad

Jab Sar e Shaam Us Nay Zulfon Ko Sanwara Ho Ga

Jab Sar -e- Shaam Us Nay Zulfon Ko Sanwara Ho Ga
Haath Main Kangan Aankh Main Kajal Awara Ho Ga

Us Kay Jooray Main Laga Wo Sufaid Gulaab
Raat Ko Sotay Main Kise Nay Tu Utara Ho Ga

Aalam -e- Tanhaii Main Shab Bhar Karwatain Lay Kar
Koii Tu Ho Ga Jisay Us Nay Puraka Ho Ga

Haye ! Wo Neend Main Doobi Hoi Makhmoor Aankhain
Jis Nay Dekha Wo Dil Wahi Pay Haara Ho Ga

Us Kay Be Taab Laraztay Hoe Honton Pay
Humay Yaqeen Hay Machalta Howa Naam Humara Ho Ga

· 1 Like · Feb 16, 2017 at 19:02
Category: love
 
Poetry / Love

Muzammil Shahzad

Khushboo Jaise Log Mile Afsanay Mein

Khushboo jaise log mile afsanay mein
Ek Purana Khat khola anjane mein


Shaam ke saaye balishon se naapay hain
Chand ne kitni der laga di aane mein


Dil par dastak dene ye kaun aaya hai
Kiski aahat sunta hoon veerane mein


Jaane kiska zikr hai is afsaanay mein
Dard maze leta hai jo dohranay mein

· 1 Like · Feb 16, 2017 at 10:02
Category: love
 
Poetry / Sad

Muzammil Shahzad

Judai Say Mra Wo Bhi Nahi Mein Bhi Nahi

Judai Say Mra Wo bhi Nahi Mein bhi Nahi
Dono Insan Hain KHUDA Wo bhi Nahi Mein bhi Nahi

Wo Mujhe Aur Mein Ossay Ilzam Daitay Hein Magar
Apne Andar Jhankta Wo bhi Nahi Mein bhi Nahi

kamzarf Logo Ny Kar Dia Dono Mein Paida Ikhtalaf
Warna Fitrat Ka Bura wo bhi Nahi Mein bhi Nahi

Mukhtalif Simtoon Mein Dono Ka Safar Jari Raha
Ek Lamhey Ko Ruka wo bhi Nahi Mein bhi Nahi

Chahtey Dono Buhat Hain Ek Dosray ko faraz
Mgar Yeh Haqiqat Manta wo bhi Nahi Mein bhi Nahi

· 1 Like · Feb 16, 2017 at 04:02
Category: sad
 
Jokes / Ustaad Aur Shagird

Muzammil Shahzad

Kaan Bharna

Ustaad (Shagird se): Kaan bharne ko jumlay mai istemal karo.
Shagird: Kal mai ne ammi jaan k kaan mitti se bhar diye.

· 0 Like · Feb 15, 2017 at 16:02
Category: ustaad-aur-shagird
 
Poetry / Love

Muzammil Shahzad

Bakht Se Koi Shikaayat Hai Na Aflak Se Hai

baKht se koi shikaayat hai na aflak se hai
yahii kyaa kam hai ke nisbat mujhe is Khaaq se hai

Khwaab meN bhi tujhe bholoun tau rawaa rakh mujhse
vo rawaiya jo hawaa ka Khas-o-Khashaak se hai

bazm-e-anjum meN qabaa Khaaq kii pahnii maine
aur merii saarii fazilat isii poshak se hai

itnii raushan hai terii subH ke dil kahtaa hai
ye ujaala to kisi deeda-e-namnaak se hai

haath to kaat diye kuzagarooN ke hamne
moajezay kii wahii ummid magar chaak se hai

· 1 Like · Feb 15, 2017 at 16:02
Category: love
 
Poetry / Love

Muzammil Shahzad

Badan Ke Donon Kinaaron Se Jal Rahaa Huun Main

badan ke donoN kinaaroN se jal rahaa huuN maiN
ke chhuu rahaa huuN tujhe, aur pighal rahaa huuN maiN

tujh hi pe Khatm hai jaanaaN mire zavaal kii raat
tuu ab tulu bhii ho jaa, ke Dhal rahaa huuN maiN

bulaa rahaa hai miraa jaama zeb milne ko
to aaj pairahan-e-jaaN badal rahaa huuN maiN

Ghubaar-e-rahguzar kaa ye hauslaa bhii to dekh
havaa-e-taazaa! tairay saath chal rahaa huuN maiN

maiN Khvaab dekh rahaa huuN ke vo pukarta hai
aur apne jism se baahar nikal rahaa huuN maiN

· 1 Like · Feb 15, 2017 at 10:02
Category: love
 

Muzammil Shahzad

Gender :
Country : Pakistan

Followers : 0  
Total Updates : 3182
Member Since : Aug 24, 2012

More Details

Educaiton : Bachelors
Religion : Islam
Caste : kashmiri butt
Language : Urdu
Coming Soon!


This user has not uploaded any photo.
Coming Soon!
Chukandar
Posted by Abdul Qaddoos
Posted on : Oct 30, 2016

Random Post

Muzammil Shahzad Photos

New Pages at Social Wall

New Profiles at Social Wall

Connect with us


Facebook

Twitter

Google +

RSS