Archives

Please Login to Send Message.

Muzammil Shahzad

From : Pakistan
Followers : 0   Total Updates : 3182
Member Since : Aug 24, 2012
Poetry / Sad

Muzammil Shahzad

Kaif E Hayaat Tere Siwa Kuch Nahi Raha

Kaif e hayaat tere siwa kuch nahi raha
teri qasam hai tujh se juda kuch nahi raha

wallah sub rutain hain pareshan teray baghair
wallah mousamoun ka maza kuch nahi raha

toufan sahiloon ko uratay chalay gaye
kaisay kahon k kuch bhe raha kuch nahi raha

afsoos zakhm-e-jan ka marham nahi naseeb
afsoos dard-e-dil ka dawa kuch nahi raha

ham mekashoon pe kufr k fatwe diye gaye
ehl e khuda ko khouf e khuda kuch nahi raha

ham tu wafa parast rahain gain tamaam umar
maana k unko paas-e-wafa kuch nahi raha

kaify main kis tarha se wo manzar bayan karoun
main ne jo roo k un se kaha kuch nahi raha

· 1 Like · 4 Hours Ago
Category: sad
 
Poetry / Love

Muzammil Shahzad

Tumhain Ik Bat Kehni Hai

'Tumhain Ik Bat Kehni Hai,

'Magar Naraz Mat Hona,

'K Tum Jo Har Ghari Mujhko,

'Itna Yaad Aatay Ho,

'Hamain Itna Satate Ho,

'K Hum Tum Door Hain Dono,

'Bohat Majboor Hain Dono,

'Naa Itna Yaad Ao Tum,

'Naa Youn Itna Satao Tum,

'K Itna Yaad Aa Kar Yun,

'Hamain Pagal Bana K Tum,

'Faqat Itna Bata Do K,

'Hamari JAAN Lo Gay Kya?

'Magar Ye Bhi Haqeeqat Hai,

'Tumhari YAAD Hi To Hai,

'Jo Har Pal Saath Rehti Hai,

'Khushi Main Bhi, Ghamon Main Bhi,

'Udaasi K Palon Main Bhi,

'Tumhari YAAD Hi To Hai,

'Jo Har Pal Ye Batati Hai,

'Mujhe Ehsas Dilati Hai,

K

"HUM TUM BIN ADHURE Hain''

· 1 Like · 11 Hours Ago
Category: love
 
Advertisement
Jokes / Ustaad Aur Shagird

Muzammil Shahzad

Bewaqoof

ustaad: bhens ki kitni tangen hoti hain ?
shagird : sir! yeh to koi bewaqoof bhi bta day ga .
ustaad : isi liye to tum se pooch raha hon .

· 4 Like · 2 Days Ago
Category: ustaad-aur-shagird
 
Poetry / Sad

Muzammil Shahzad

Ye Shishon K Sapney

Ye Shishon K Sapney, Ye Dhagon K Rishtey
Kise Hai Khabar K Kahan Toot Jaye
"Muhabbat"K Darya Mai Kashti Wafa Ki
Kise Hai Khabar K Kahan Doob Jaye
Aaj "DIL" Ki Basti, Ajub"DIL"Ki Halat
Har Ek Mor Mosam Naya Khushyon Ka
Lagaye Hum Ne Bhi Sapno K Poday
Magar Kia Bharosa Yahan Barishon Ka
Jinhe"DIL"Se Chaha Jinhe"DIL"Se Puja
Nazar Aarahe Hain Wohi AJNABI Se
Rewayat Hai Shayad Sadiyon Purani
Shikayat Nhi Hai Koi es Zindagi Se



· 1 Like · 2 Days Ago
Category: sad
 
Poetry / Love

Muzammil Shahzad

Wohi Baarish Ka Mausam Hai

wohi baarish ka mausam hai
wohi barsey huay gham hain
wohi naadan sey hum hain
wohi kaaghaz ki kashti hai
wohi paani ka raila hai
merey bachpan zra dekho
wohi phir khel khela hai
wohi kashti banayi hai
woh paani par chalaye hai
hamain lagta hai phir se hum
usi kashti mein bethay hain
magar bilkul akelay hain
tumhain kuch yaad hai jana
woh kaaghaz ki bani kashti
kahan kab paar jaati hai
hamesha toot jaati hai
chalo waada kiya tum sey
chalo waada nibhayen gay
faqat tum paar utro gay
faqat hum doob jaayen gay
tumhen kuch yaad hai jana?

· 1 Like · 2 Days Ago
Category: love
 
Poetry / Love

Muzammil Shahzad

Meri Pagal Mohabbat Tumhein Yaad Ayegi

jab Chaand Sitare chamak rahey hon
Jab Yaadon k Phool Mehak rahey hon
Jab Deed ko Nain taras rahey hon
Jab Aankhon se Aansoo baras rahey hon

Meri Pagal Mohabbat Tumhein Yaad aayegi

Jab Tanhai se Dil Ghabraye ga
Jab Tumhein Akela Pan Satayega
Jab koi Khuwab hi nahi ayega
Jab Phool Kitab mai hi reh jayega

Meri Pagal Mohabbat Tumhein Yaad ayegi

· 1 Like · 3 Days Ago
Category: love
 
Poetry / Sad

Muzammil Shahzad

Kaun Kehta Hay K Maut Aayi Tu Mar Jaonga

kaun kehta hay k maut aayi tu mar jaonga
main tu dariya hoon samandar mein utar jaonga

tere pehlo se jo uthoon ga tu mushkil yeh hay
sirf ek shakhs ko paonga jidhar jaaonga

ab tere shehar mein aaonga musaafir ki tarah
saaya e abr ki maanind guzar jaonga

tera paimaan e wafa rah ki deewar bana
warna soocha tha jab chahonga mar jaonga

chaara sazooN se alag hay mera miyaar k main
zakham khaon ga tu kuch aur sanwar jaonga

ab tu khursheed ko doobay hoye sadiyaaN guzri
ab usay dhond nay mein taa baa sehar jaonga

zindagi shamma ki maanind jalaata hoon Nadeem
bujh tu jaonga magar subha tu kar jaonga

· 1 Like · 3 Days Ago
Category: sad
 
Poetry / Humorous

Muzammil Shahzad

Gharz Kuchh To Tahazeeb Sikho

Mujhe kal meraa ek sathi milaa
jis ne ye raaz khola
ke ab jazbah-e-shauq kii vehshaton ke zamaane gaye

phir vo ahista ahista chaaron taraf daikhta
mujh se kahane lagaa

'ab bisaat-e-muhabbat lepato
jahaan se bhii mil jaayen daulat sameato
gharz kuchh to tahazeeb sikho

· 1 Like · 4 Days Ago
Category: humorous
 
Poetry / Sad

Muzammil Shahzad

Jab Tera Hukam Mila, Tark E Muhabat Kar Di

Jab tera hukam mila, tark-e-muhabat kar di
Dil magar es pe wo dharka k qayamat kar di
Tujh se kis tarha mein izhar-e-tamana karta
Lafz soojha to maani ne baghawat kar di
Mein to samjha tha k loat atay hain jaane wale
Tu ne to ja k judai meri qismat kar di
Mujh ko dushman k iradon pe bhi pyar ata hai
Teri ulfat ne muhabat meri adat kar di
Pooch beitha hon mein tuj se tere koochay ka pata
Tere haalat ne kaisi teri sorat kar di
Kya tera jism, tere husan ki hiddat mein jala
Raakh kis ne teri sonay ki si rangat kar di

· 2 Like · 5 Days Ago
Category: sad
 
Poetry / Love

Muzammil Shahzad

Usay Maine Hi Likha Tha

Usay maine hi likha tha
Ke lehjay barf ho jayein
To phir pighla nahi kartey
Parinday dr k urr jayein
To phir lota nahi kartey

Usay maine hi likha tha
Yaqeen uth jaye to shayed
Kabhi wapis nahi aata
Hawaon ka koi toofaan
Kabhi barish nahi lata!!!

Usay maine hi likha tha
Ke sheesha toot jaye to
Kabhi phir jurr nahi paata
Jo rastey se bhatak jaye
Wo wapas murr nahi paata

Usay kehna woh bemayne adhoora khat
Usay maine hi likha tha
Usay kehna k deewanay!!!
mukammal khat nahi likhtey!

· 1 Like · 5 Days Ago
Category: love
 

Muzammil Shahzad

Gender :
Country : Pakistan

Followers : 0  
Total Updates : 3182
Member Since : Aug 24, 2012

More Details

Educaiton : Bachelors
Religion : Islam
Caste : kashmiri butt
Language : Urdu
Coming Soon!


This user has not uploaded any photo.
Coming Soon!
Wall Photo Girl
Posted by iJunoon
Posted on : Oct 05, 2014

Random Post

Muzammil Shahzad Photos

New Pages at Social Wall

New Profiles at Social Wall

Connect with us


Facebook

Twitter

Google +

RSS