Poetry / Love

Mujhey us shakhs ki parwa boht hai
Jo samjho to yehi rishta boht hai

Wohi aik baat jo sub se chupai
Usi ek baat ka charcha boht hai

Meri khuwahish kabhi poori na hogi
Mujhey es baat ka sadma boht hai

Kisi ko bhoolna mumkin nahiN hai
Wagarna hum ney to chaha boht hai

KahaN tak aur mera saath dega
Woh pehley hi yahaN ruswa boht hai

Terey jaisa koi milta nahiN hai
Terey jaisa magar DhoonDa boht hai

Chalo ab mout ka samaan kar leN
K jeena to yahaN mehnga boht hai

Woh merey paas kab Thehra hai aakhir
Jo merey paas sey guzra boht hai...!

Advertisement
· 1 Like · Dec 17, 2017 at 20:12
Category: love
 

Latest Posts in poetry

Random Post

Sponored Video

New Pages at Social Wall

New Profiles at Social Wall

Connect with us


Facebook

Twitter

Google +

RSS