Poetry / Love

Muzammil Shahzad

Bheegi Palken

bheegi palken
dard se chalakti ankhen
ankhon mein lal dori
galon pe phisalta moti
lab katte hoye
main aksar usey
bari mehviyat se dekhta hon
pagli!
tujhe kya maloom
tujhe rula kar
main teri ankhon mein
sare jahan ka husn dekhta hon!!!!

· 1 Like · 22 Hours Ago
Category: love
 
Poetry / Sad

Muzammil Shahzad

Kuch Roz Bohat Dil Tarpey Ga

Kuch Roz Bohat Dil Tarpey Ga
Kuch Roz Rahey Gi Nam Aankhein
Kuch Roz rahey Gi Bechaini
Kuch Roz Yeh Seena Sulgey Ga
Pani Mein Safeena Sulgey Ga
Rafta Rafta
Dheerey Dheerey
Phir Haalat Hijr Gazeeda ki
Ik Roz Sanbhal hi Jaye gi
Ik Zakhm Bharey ga Chahat ka
Ik Dard Thamey Ga Shiddat ka
Ik Diya Bujhey Ga Qurbat ka

Lakin Kya Aisa Mumkin Hai ?
Tum Khud Socho
Kya Yeh Namumkin, Mumkin Hai ?
Tum Khud Socho !

· 1 Like · 1 Days Ago
Category: sad
 
Poetry / Sad

Muzammil Shahzad

Yeh Tum Acha Nahi Kartay

Akelay Jo Dukh Uthatey Ho
Yeh Tum Acha Nahi Kartay
Humara Dil Jalatay Ho
Yeh Tum Acha Nahi Kartay

Kaha Bhi Tha Mohabat Hai
Mohabbat Hi Issey Rakho
Tamasha Jo Banatay Ho
Yeh Tum Acha Nahi Kartay

Uthatay Ho Falak Tak Tum
Humain Sar e Mehfil Main
Uthaa Kar Jo Giratay Ho
Yeh Tum Acha Nahi Kartay

Jo Koi Pooch Lay Tumse ke
Rishta Kya Hai Abhi Un Sey
To Nazron Ko Jo Jhukatay Ho
Yeh Tum Acha Nahi Kartay

Bikhar Jayen Andheron Main
Saharaa Tum To Detay Ho
Magar Phir Chorr Jatay Ho
Yeh Tum Acha Nahi Kartay

· 1 Like · 1 Days Ago
Category: sad
 
Poetry / Sad

Muzammil Shahzad

Kaanton Say Guzar Jana, Sholoun Say Nikl Jaana

Kaanton say guzar jana, sholoun say nikl jaana
Phoolon ki basti mein, jaana to sambhal jaana

Din apnay charaaghon ki manind guzaartay hain
Her subha ko bujh jaana, her shaam ko jal jaana

Bachon hi si fitrat hai, hum ehl-e-mohabbat ki
Zid karna, machal jaana, phir khud hi sambhal jaana

Woh shakhs bhala mera kya saath nibhaye ga?
Mausam ki tarah jis nay, seekha hai badal jana

· 1 Like · 2 Days Ago
Category: sad
 
Poetry / Sad

Muzammil Shahzad

Ik Burg Sabz Shaakh Se Karr K Juda Bhi Daikh

ik burg sabz shaakh se karr k juda bhi daikh
mai phir bhi jee raha hoon mera hausla bhi daikh

maana k tera mujh sey koi waasta naheen
milney k baad mujh se zara aaina bhi daikh

auron k paas ja k meri dastaan na pooch
jo kuch hai merey chehrey pe likha huwa bhi daikh

tu ney jo musht e khaak samajh kar urha diya
abb mujh ko apni raah mai bikhra huwa bhi daikh

chehrey ki chandni pe na itna bhi maan kar
waqt e sehar tu rung kabhi chand ka bhi daikh

· 3 Like · 2 Days Ago
Category: sad
 
Poetry / Love

Muzammil Shahzad

Bujhta Huwa Diya Ye Saza De Gaya Mujhay

bujhta huwa diya ye saza de gaya mujhay
mai shola e junoon tha, hawa de gaya mujhay

mai lehlahaati shakh ko samjha tha zindagi
patta gira to dars e fana de gaya mujhay

sooraj ki chund jaagti kirnon ka qafila
khwabeeda manzilon ka pata de gaya mujhay

khushboo ka aik narm sa jhonka bahaar mai
guzray huway dinon ki sada de gaya mujhay

merey liye to saans bhi laina mahaal hai
ye kaun zindagi ki dua de gaya mujhay

mai khamoshi ka paikar e be rang tha "SEHAR"
ik shakhs bolnay ki ada de gaya mujhay

· 1 Like · 2 Days Ago
Category: love
 
Poetry / General

Muzammil Shahzad

Yun Dost Saare Apne Apne Raste Badal Gaye

Yun dost saare apne apne raste badal gaye
kuch peeche ruk gaye to kuch aage nikal gaye

Haalaat ki dhoop zaraa si deir ko tez kya hui
jitne wafaa kay patthar the saare pighal gaye

Waado kay taare raato se baahar na jaa sake
iradon ke din nikalne se pehle hee dhal gaye

Wafaaon ke rang shabnam kay qatroo ne dho diye
mohabbat ke phool jazboo ki 'shiddat' se jal gaye

Tanoo ke teer duniya kee kamaano pe jab chadhe
sabar ke daaman hathoo se ek dum phisal gaye

Aankhein khuli to khowaboo ko bura laga magar
kuch dair wo reh ke khafa humse wo khud hi behal gaye

Pehle pehal to ajeeb lage badle huwe chehre
phir yu huwa k waqt ke saath hum bhi sambhal gaye

· 1 Like · 3 Days Ago
Category: general
 
Poetry / Sad

Muzammil Shahzad

Dayaar E Gair Mein Kaise Tujhe Sada Dete

Dayaar-e-gair mein kaise tujhe sada dete
tu mil bhi jata to tujhe ganwa dete

Tumhi ne ham ko sunaya na apna dukh warna
dua woh karte ke ham aasmaan hila dete

Hamein yeh zom raha ab ke woh pukarain ge
unhein yeh zid thi k har baar ham sada dete

Woh tera gam tha k taseer mere lahje ki
ke jis ko haal sunaate usay rula dete

Tumhein bhulana hi aval to dastaras mein nahi
jo ikhtiyar bhi hota to kya bhula dete

Tumhaari yaad ne koi jawab hi na diya
mere khiyal ke aansu rahe sada dete

· 1 Like · 3 Days Ago
Category: sad
 
Poetry / Sad

Muzammil Shahzad

Jo Rishta Dil Se Na Jura Ho

Jo rishta dil se na jura ho
Usey tum chorti kyun naheen
Jo asaas majbori ki bina ho
woh bandhan torti kyun naheen
Tumeen rishton ka khof lahaq hay
Ya khud se larne se darti ho
Na badalne ka mere koi dharka hay
Ya mere badal jane se darti ho
Tumeen khud main samait sakta houn agar
Apna aap bikhar jane se darti ho
Main duniya se takra to sakta houn agar
Logoon se zamane se darti ho
Mere bazoo dam to rakhtey hain magar
Tum shayad aazmane se darti ho
Agar yeh sab kuch naheen hay to phir
Apnoon k samne se darti ho

· 1 Like · 3 Days Ago
Category: sad
 
Poetry / Sad

Muzammil Shahzad

Woh Nazar Nazar Ka Sawal Tha Mujhe Yaad Hai

Woh Nazar Nazar Ka Sawal Tha Mujhe Yaad Hai
Kisi Humsafar ka khayal Tha Mujhe Yaad Hai

Woh Jo Kho gaya Kisi Dasht Me Kisi Shaher Me
Wahi Shaks Apni Misaal Tha Mujhe Yaad Hai

Badi Deir Tak Tairay Khawab The Meri Aankhoun Me
Bada Dukh Bhara Woh Saal Tha Mujhe Yaad Hai

Meri Gardishain Meri Zaat Pe Rahein iss Tarha
Mujhe Har Qadam Par Zawal Tha Mujhe Yaad Hai

Teri Kurbatoun Mein Junoon Tha Kabhi Yaad Ho
Mera Ishq Jaah Wo Jalaal Tha Mujhe Yaad Hai

Mein Bhala Bhulaoun Teri Har Adaa Toh kis Tarah
Tera Husn Husn-E-Jamaal Tha Mujhe Yaad Hai

· 1 Like · 4 Days Ago
Category: sad
 
Maan Baap
Posted by qaisar mahmood
Posted on : Nov 10, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS