Poetry / Sad

Muzammil Shahzad

Akhir E Shab Mein Sitaron Ko Bujha Kar Sona

Akhir-e-shab mein sitaron ko bujha kar sona
Meri Aadat ha ye khwabon ko sula kar sona

Na hi es pehlu qaraar our na chain us karwat
Kitna dushwar ha apnon ko sata kar sona

Raat bhar kaise sanbhale howe rakho ge inhain
Meri mano tu in ashkon ko beha kar sona

Us ne tu choar diya meri gali mein Aana
Main ne chora nai raston ko saja kar sona

Khwab Aa jayin na phir Neend churane
Jagti Aankhon ko pehre pe bitha kar sona

· 1 Like · 5 Hours Ago
Category: sad
 
Poetry / Sad

Muzammil Shahzad

Kaha Dil Nay Dharak Kar, Vasl Ka Lamha Nazar Aaye

Kaha dil nay dharak kar, vasl ka lamha nazar aaye
jawaban aankh mein yaadon bharay aansu ubher aaye

kaha! jazbaat kyun alfaaz mein dhalnay say qaasir hain?
kaha! kuch rang qudrat kay, bayaan say balatar aaye

kaha! gham ki tapish to aankh ko bay noor ker de gi
kaha! qudrat Khuda ki, aankh mein paani utar aaye

kaha! tum beej dil mein pyar kay bo kar kahan gum ho?
zara daikho to palkon par, samar kitnay utar aaye

abhi to ik lehar maachli hai, bolo! darr gaye ho kyun?
barri baatein banatay thay, behar aaye, bhanwar aaye

kaho! kitnay ishaaray aur daikho gay to jaano gay
suno! rakht-e-safar bandho, najanay kab safar aaye

Kaha! main nay payamber der payamber sab sikha daala
jahannum bhi hai jannat bhi, idher aaye, udher aaye

· 1 Like · 18 Hours Ago
Category: sad
 
Poetry / Sad

Muzammil Shahzad

Dard Ki Har Ik Hadd Se Ab Guzar Gaya Hon Main

Dard ki har ik hadd se ab guzar gaya hon main
Phir kabhi na simtoun ga youn bikhar gaya hon main


Mout bas naheen aati rooh k nikalne se
Sans mujh main baqi hai phir bhi mer gaya hon main


Zindagi main jitni bhi roshni thi uss se thi
Mustaqil andheron main ab utar gaya hon main


Baam o dar bhi us k baad ho gaye hain youn khamosh
Aur dil ulajhta hai jabb bhi ghar gaya hon main


Us ka sath jab tak tha rung rung mausam the
Bas khizaan k mausam main ab thehar gaya hon main

· 1 Like · 1 Days Ago
Category: sad
 
Poetry / Sad

Muzammil Shahzad

Chalo Tum Chorr Do Mujh Ko

Chalo Tum Chorr Do Mujh Ko
Main Wapis Lout Jata Hoon
Tumhain Manzil Mubarak Ho
Naya Saathi
Mubarak Ho
Mager Phir Ay Meray
HumDum
Mujhay Itna Tu
Batla Do ?
Keh Wapis Kis Taraf Jaon ?
Kahan Say Saath
Laaye Thay ?
Mujhay Itna Tu
Samjha Do ?
Ager Aisa Nahi Mumkin
Tu Mujh Ko
Is Tarah Torro
Keh Main Yaksar
Bikhar Jaon
Bhataknay Say Tu Behtar Hai
Tumharay
Pass
Marr Jaon!

· 1 Like · 1 Days Ago
Category: sad
 
Poetry / Sad

Aaj Ki Shaam

Aaj Ki Shaam
Gehray Saaye Kay Saath
Phir Teri Yaadon Ka Basera Kiye Howay Hay
Zindagi Aisay Lagnay Lagi Hay Mujhay
Sokhay Darkhat Zakhmon Main
Apni Bahaar Kho Detay Hain
Koii Geet Jesay
Bagair Sur Kay Ho
Ya Shayed Koii Aisi Tasveer
Jis Kay Rang Maand Par Gaye Ho
Main Ghar Kay Aangan Main Dhoondta Hoon
Apnay Betay Ka Khailna, Rona, Hansna Or Roothna
Phir Ye Waqt Intazar Main Gum Hay
Har Shaam Teri Yaad Main Gum Hay
Ye Raat Bhi Teray Khayal Main Gum Hay

· 1 Like · 2 Days Ago
Category: sad
 
Poetry / Sad

Muzammil Shahzad

Usay Kehna Ye Dunya Hay

Usay Kehna Ye Dunya Hay

Yaha Har Morr Pay Aisay Bohat Say Log Miltay Hain
Jo Andar Tak Utartay Hain
Abadd Tak Saath Rehnay Ki
ikhatay Dard Sehnay Ki
Hamaysha Baat Kartay Hain
Usay Kehna

Ye Dunya Hay
Yaha Har Shaks Matlab Ki
Hadon Tak Sath Chalta Hay
Jaise Hi Mousam Badalta Hay
Mohabbat Kay Sab Hi Daaway
Sab Hi Qasmay
Sab Hi Waaday
Achanak Toot Jatay Hain

Usay Kehna Ye Dunya Hay
Yaha Har Morr Pay Apni
Sada Aankhain Khuli Rakhna
Koii Kitna Bhi Acha Ho
Koii Kitna Bhi Sacha Ho
Mager Aitabaar Nahi Karna
Usay Kehna
Ye Dunya Hay

Yaha Pay Pyaar Mat Karna

· 1 Like · 2 Days Ago
Category: sad
 
Poetry / Sad

Muzammil Shahzad

Kya Woh Waqai Haar Rahi Thi

Dil Toh Mera Shor Karay
Idhar Nahi
Udhar Nahi
Teri Aur Chalay
Itna Sannata Tha Toh Kahin
ek Goshay Mein Itna Shor Kyun Tha?
Woh Samajh Nahi Payi
Shuru Ho Gayi Kahani Meri
Mere Dil Ne Baat Na Mani Meri
Had Se Bhi Aagay Yeh Guzar Hi Gaya
Khud Bhi Pereshan Hua
Mujhko Bhi Yeh Kar Gaya
Woh Nigah Utha K Taron Ko
Ba ghoar Dekhnay Lagi Thi
Shayad Yeh Pehli Baar Hua Tha
Woh Taron, Sitaron Ko Yun Taq Rahi Thi
Kya Janchna Chah Rahi Thi Woh
Kya Dhundhna Chahti Thi Woh
Kya Woh Waqai Haar Rahi Thi!!

· 0 Like · 2 Days Ago
Category: sad
 
Poetry / Sad

Muzammil Shahzad

Jo Toot Ke Bhikray To

aek aah bhari main ne !!!
aapna hinnai hath
uske sisaktay laboon pe rakha
aur kaha
''kuch na poochho mujh se !!!
mere khwaab hoe chakna choor kese ?
tumhain kiya maloom
kitna mushkil hae chalna
NaNgay paaun
un khowaboon pe
jo toot ke bikhray to
hoe chakna choor
mujhe bhi ker gae rezah rezah'

· 1 Like · 3 Days Ago
Category: sad
 
Poetry / Sad

Muzammil Shahzad

Teri Tarha Malal Mujhay Bhi Nahi Raha

teri tarha malal mujhay bhi nahi raha
jaa ab tera khayal mujhay bhi nahi raha

tu ne bhi mosmon ki pazeerai chorr di
ab shauq e mah e visaal mujhay bhi nahi raha

mera jawab kia tha tujhay bhi khabar nahi
yaad ab tera sawal mujhay bhi nahi raha

jis baat ka khayaal na tu ne kabhi kia
us baat ka khiyal mujhay bhi nahi raha

tora hai tu ne jab se meray dil ka aaina
andaza e jamal mujhay bhi nahi raha

· 1 Like · 3 Days Ago
Category: sad
 
Poetry / Love

Muzammil Shahzad

Whi Khwaab Ab Bhi Azeez Hai

MERAY HAMSAFAR TERI NAZAR HAIN MERAY JAZBA E DIL KI SHIDDATAIN
MERI CHAH MERI MOHABBATAIN MERAY SAJDAY MERI IBADATAIN

WOH JO SATH CHALNAY KA KHWAAB THA,KAHIN REH GAYA KAHIN KHO GAYA
KHO GAYA MERA HAMSAFAR,RAHAIN PAAS AB NA WO CHAHATAIN

WO GULAB THAY KE KHITAB THAY,TERAY HARF HARF MEI KHAAB THAY
TERA TAZA KHAT BHI MILA MGAR NHI ES MEI PEHLI C SHIDDATAIN

MERAY CHAND TU HE BATA MUJHAY KAHAN HAI WO MERA ZAMANA SAAZ
KAHAN THAK K REH GAYA KARWAN KAHAN REH GAEEN MERI SANGATAIN

WO JO MoUSOMON KA HABEEB THA MERI PAYASI AANKH KA KHAAB THA
WoHI KHAAB AB BHI AZEEZ HAI,KARAY AB BHI DIL PAY HUKOMATAIN

· 1 Like · 4 Days Ago
Category: love
 
Adorable Talking Twins!
Posted by Funny Videos
Posted on : Sep 06, 2014

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS